بە گوێرەی پێشبینییەکانی بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، شەپۆلێکی بارانبارین و هەورەتریشقە هەرێمی کوردستان دەگرێتەوە.
فەرمانگەی میدیا و زانیاری حکومەتی هەرێم بڵاویکردەوە، شەپۆلی بارانبارینەکە لە شەوی شەممە، ڕێکەوتی 2025/11/14 دەستپێدەکات و تاکوو ڕۆژی دووشەممە، ڕێکەوتی 2025/11/16 بەردەوام دەبێت.
هەر بەپێی هەواڵەکە بەڕێوەبەرایەتیی گشتیی کەشناسی و بوومەلەرزەزانیی ئاماژە بەوە دەدات، شەپۆلەکە سەرەتا بە نمەباران دەستپێدەکات، دواتر کاریگەریی زیاد دەبێت، بەجۆرێک هەندێکجار هەورەتریشقە و بارانی لەگەڵدا دەبێت.
ئەگەری بڕێکی کەم لە بەفربارین لە ناوچە شاخاوییەکانیش هەیە.
هەروەها ئاماژەی بە کات و بڕی دابارینەکە، بەگوێرەی پارێزگا و ئیدارە سەربەخۆکان داوە بەم شێوەیەی خوارەوە:
(هەولێر 25 – 30 ملم، سلێمانی 35 – 40 ملم، دهۆک 40 – 50 ملم، کەرکووک 50 – 55 ملم، هەڵەبجە 15 – 20 ملم، گەرمیان 30 – 40 ملم، زاخۆ 60 – 70 ملم، سۆران 50 – 60 ملم، ڕاپەڕین 60 – 70 ملم).
