شارەوانی زەڕایەن ڕایگەیاند کە بە مەبەستی جوانکاری و نوێکردنەوەی شار، دەرخستەیەک بۆ جوانی جەزیرەی ناوەڕاستی (جزرەی وەسەتی) شەقامی سەرەکی زەڕایەن ئامادە دەکرێت.
لەسەر داوای بەڕێز سەرۆکی شارەوانی، لیژنەیەکی هاوبەش کە پێکهاتبوو لە بەشەکانی دیزاین و باخچەکانی سەر بە بەڕێوبەرایەتی گشتی شارەوانییەکانی سلێمانی، سەردانی شارەوانی زەڕایەنیان کرد.
ئامانج لەم سەردانە بریتی بوو لە ئامادەکردنی دەرخستەیەکی گونجاو و سەردەمیانە بۆ جەزیرەی ناوەڕاستی شەقامەکە، لەگەڵ ڕوواندنی درەختی گونجاو، بەمەبەستی جوانترکردنی ڕوخساری شار.
